Зүүнбаян-Ханги төмөр замаар Тавантолгойн нүүрсийг тээвэрлэж Ханги-Мандал боомтоор экспортолжээ

Зүүнбаян-Ханги чиглэлийн төмөр замаар тээвэрлэсэн Тавантолгойн уурхайн 609.6 тонн нүүрсийг БНХАУ-ын Мандал боомтоор импортолж гаалийн бүрдүүлэлтийг энэ оны хоёрдугаар сарын 6-нд хийжээ. Энэ нь Зүүнбаян-Ханги чиглэлийн 226.9 км төмөр замаар тээвэрлэсэн эхний ачаа болж байна.

Бугат-Мандал чиглэлийн 262.6 км төмөр замыг 2022 оны дөрөвдүгээр сар албан ёсоор ашиглалтад оруулж, тээврийг эхлүүлсэн.

Монголын талын Зүүнбаян-Ханги чиглэлийн төмөр замын бүтээн байгуулалт 2022 оны гуравдугаар сард эхэлж 9 сарын хугацаанд барьж арваннэгдүгээр сарын 25-нд албан ёсоор нээсэн билээ. Манай улсад анх удаа тус төмөр замын төгсгөл буюу Ханги-Мандал боомт талдаа 17 км хэсгийг өргөн, нарийн хос царигаар зэрэгцүүлэн байгуулсан юм.